Дүүжүү алсаас ирээд
Дүүрэн амьсгаа авахад минь
Мөнхийн усыг амсах шиг
Цэлмэн цэлмэн уужраад
Яасан цэнгэг юм бэ
Монголын ариун агаар
Яасан цэлмэг юм бэ
Монголын хөх тэнгэр
Аяны шувуудын цуваа
Алжаан цуцлаж гатлаад
Алаг нүдний үзүүрт
Хаяа хязгааргүйг цэлийгээд
Ямар уудам юм бэ
Монголын тал нутаг
Яасан уужуу юм бэ
Монгол хүний сэтгэл
Монголын ариун агаар
Монголын хөх тэнгэр
Монголын тал нутаг
Монгол хүний сэтгэл
Уруудах өөдлөхийн тавиланд
Сэтгэлийн цавгүй амгалан
Учрах ханилах заяанд
Итгэлийн сэвгүй амгалан
Ямар уудам юм бэ
Монголын тал нутаг
Яасан уужуу юм бэ
Монгол хүний сэтгэл
Ямар уудам юм бэ
Монголын тал нутаг
Яасан цэлмэг юм бэ
Монголын хөх тэнгэр
