Холливудын жүжигчин Сандра Буллок, Николь Кидман нар “Practical Magic 2” киноны Европ дахь нээлтийн үеэр улаан хивсний ёслолд хамтдаа оролцож, олны анхаарлыг татлаа. Нээлт наймдугаар сарын 26-нд Лондонд болсон байна.
Хоёр жүжигчин 1998 онд дэлгэцнээ гарсан “Practical Magic” киноны эгч дүүс болох Салли болон Гиллиан Оуэнсийн дүрд дахин тоглосон юм. Киног зохиолч Алис Хоффманы 1995 оны ижил нэртэй романаас сэдэвлэсэн бөгөөд шидтэн эгч дүүсийн тухай өгүүлдэг.
Мөн анхны кинонд эгч дүүсийг өсгөсөн авга эгч нарын дүрийг бүтээсэн Стокард Чэннинг, Дайан Уист нар үргэлжлэлийн кинонд дүрээ дахин бүтээжээ.
“Practical Magic 2” кино 2026 оны есдүгээр сарын 11-нд нээлтээ хийх бөгөөд анхны бүтээлээс хойш 28 жилийн дараа үзэгчдийн хүртээл болох юм.
