Холливуудын жүжигчин Эмма Уотсон өнгөрөгч долоодугаар сард НҮБ-ын сайн дурын элч болсон билээ. Тэгвэл залуу жүжигчин өнгөрөгч бямба гарагт Нью-Йорк хотноо эхэлсэн жендэрийн тэгш байдлыг хангах НҮБ-ын “HeForShe” хөдөлгөөнийг нээж илтгэл тавьсан байна.
Тэрбээр энэ үеэр “Зарим хүмүүс Харри Поттер тоглосон охин гэхээр гайхаж байж магадгүй юм. Магадгүй энэ охин энд юу хийж байгаа юм бол хэмээн асууж болох юм. Гэвч миний хариулахыг хүсэж байгаа нэг зүйл бол эмэгтэйчүүдийн тэгш эрх, түүнийг сайжруулахын тулд өөрийн зүгээс чадах бүхнийг хийх явдал юм. Би маш олон залуус айдас хүйдсээс болж хангалттай хэмжээний тусламж, дэмжлэг авч чадахгүй байгааг харсан. Их Британид 20-49 насны хүмүүсийн нас баралтын шалтгаанд авто осол, хорт хавдар, зүрхний өвчнөөс ч илүү аймшигтай зүйл амиа хорлолт болж хувираад байна” гэжээ.
Эх сурвалж: New.mn