Холливудын жүжигчин Кристиан Бэйл Калифорни мужийн Палмдейл хотод асрамж, хамгаалал шаардлагатай хүүхдүүдэд зориулсан 11 мянган ам.фут талбайтай асрамжийн төв нээжээ.
Түүний байгуулсан энэхүү төсөл нь хүүхдүүдийг асран хамгаалах тогтолцоонд гэр бүлтэй төстэй, тогтвортой орчин бүрдүүлэх зорилготой юм. Бэйл уг төвийг хүүхдүүдийн амьдралд тохиолдсон хүнд бэрхшээл, сэтгэлийн шархыг эерэг зүйл болгон өөрчлөх боломжтой газар болгохыг хүсэж байгаа аж.
Жүжигчин өмнө нь асрамжийн системд байгаа ах, дүү нарыг салгахгүйгээр хамтад нь өсгөх боломжтой орчин бүрдүүлэх хүсэлтэй байгаагаа ярьж байсан. Түүний санаачилга нь нэг гэр бүлээс гаралтай хүүхдүүдийг аль болох хамтад нь байлгаж, тэдэнд боловсрол, сэтгэлзүйн дэмжлэг болон тогтвортой амьдрах нөхцөл олгоход чиглэж байна.
Бэйл энэхүү төслийнхөө зорилгын талаар “Тэдний зүрх сэтгэлийн шарх, өвдөлтийг хайр болгон хувиргах” хүсэлтэй байгаагаа илэрхийлжээ.
Тус байгууламж нь хүүхдүүдэд зориулсан амьдрах байрнаас гадна тэдний өдөр тутмын хэрэгцээ, хөгжлийг дэмжих орон зайтай байхаар төлөвлөгдсөн байна. Бэйл уг төслийг хэрэгжүүлэх санаагаа олон жилийн өмнөөс эхлүүлж, асрамжийн тогтолцоонд байгаа хүүхдүүдэд зориулсан илүү хүнлэг, гэр бүлийн шинжтэй орчин бий болгохоор ажиллаж иржээ.
