УДЭТ-ын 96 дахь үзвэрийн жилийн нээлтийг Оросын нэрт зохиолч, драматург Михаил Рощины зохиол “Валентин, Валентина хоёр” жүжгээс сэдэвлэсэн саунд драмыг аравдугаар сарын 13-наас хийнэ.
“Валентин, Валентина хоёр” саунд драмд хайр, дурлал, хүний сэтгэлийн нандин мэдрэмжийн тухай өгүүлэх бөгөөд УДЭТ-ын залуу найруулагч Э.Билгүүн шинэ өнгө төрхтэйгөөр үзэгчдэд хүргэх юм.
“Валентин, Валентина хоёр” жүжгийн гол дүрд УДЭТ-ын залуу жүжигчин Ц.Цэлмэг тоглох бол бусад эмэгтэй дүрүүдэд Төрийн соёрхолт, Хөдөлмөрийн баатар, Ардын жүжигчин Н.Сувд, Ардын жүжигчин Ж.Оюундарь, Гавьяат жүжигчин У.Уранчимэг, УДЭТ-ын жүжигчин М.Тогтохжаргал, УДЭТ-ын залуу жүжигчин А.Энхжин нар тоглоно.
