Жүжигчин Том Хиддлстон Цюрихийн кино наадамд оролцох үеэрээ шинэ “Tenzing” киноныхоо төлөө Эверестийн бүсэд аялсан тухайгаа хуваалцжээ. Тэрыээр энэ жилийн наадмаас “Golden Eye Award” шагнал хүртэж байгаа юм.
Хиддлстон найруулагч Женнифер Пидомын “Tenzing” кинонд Шинэ Зеландын домогт уулчин Сэр Эдмунд Хилларигийн дүрийг бүтээсэн байна. Кинонд Хиллари, Балба-Энэтхэгийн уулчин Тэнзин Норгай нар 1953 онд Эверестийн оргилд анх амжилттай гарсан түүхэн үйл явдлыг өгүүлнэ.
Дүрдээ бэлтгэхийн тулд Хиддлстон Эверестийн бүсэд очиж, уулчдын туулсан зам, өндөр уулын орчныг биеэр мэдрэхийг зорьжээ. Тэрбээр “Tenzing”-ийн зураг авалт, бэлтгэл нь өөрийнх нь хувьд онцгой туршлага болсныг Цюрихийн кино наадмын үеэр ярьсан байна.
“Tenzing” нь түүнийг “Marvel”-ийн ертөнцөөс тэс өөр, тэр дундаа “Thor” кинонын Локигоос эрх өөр, бодит түүхэн хүний дүрээр үзэгчдэд хүргэж байна. Уг бүтээл Эверестийн оргилд хүрсэн түүхэн амжилтаас гадна Тэнзин Норгай, Эдмунд Хиллари нарын нөхөрлөл, итгэлцэл, тэсвэр хатуужил болон аюултай аяллын цаадах хүний түүхийг өгүүлэх юм.
Женнифер Пидомын найруулсан “Tenzing” нь “Apple TV”-ийн бүтээл бөгөөд Том Хиддлстон уг киногоо Цюрихийн кино наадамд танилцуулж байна.
