Энэ удаагийн “Инчёон-2014” Азийн спортын XVII наадамд Монгол Улсын баг тамирчид урамтай сайхан амжилт үзүүлж урьд өмнө азийн наадамд үзүүлж байсан амжилтуудаа ахиуллаа.
2015 оны хувьд Монгол Улсын баг тамирчид “Сочи-2014” Өвлийн олимпийн XXII наадам, Паралимпийн XI наадам, “Нанжин-2014” Залуучуудын зуны олимпийн II наадам, “Инчёон-2014” Азийн XVII наадмуудад амжилттай оролцож Азийн Паралимпийн XI наадамд Монгол Улсаа төлөөлөн хөгжлийн бэрхшээлтэй 65 тамирчин, багш дасгалжуулагч нарынхаа хамтаар орцохоор бэлтгэлээ хангаад байна.
“Инчёон-2014” Азийн XVII наадамд оролцох баг тамирчдын замын зардалд хөнгөлөлт үзүүлэх тухайСоёл, спорт, аялал жуулчлалын сайдынхүсэлтийг Зам тээврийн яам хүлээн авч МИАТ компаниар зорчсон тохиолдолд 30хувийн үнийн хөнгөлөлт үзүүлэхээр шийдвэрлэсэн бол Азийн Паралимпийн наадамд оролцох баг тамирчдад 50 хувийн үнийн хөнгөлөлт үзүүлэхээр шийдвэрлэсэнд нийт тамирчдынхаа нэрийн өмнөөс талархал илэрхийлье.
Түүнчлэн ССАЖЯ-ны зүгээс 2014 онд зохиогдсон дээрх 5 наадамд оролцох оролцох үндэсний шигшээ баг тамирчдын зардлаас гадна бусад баг тамирчиддаа дараах дэмжлэгийг үзүүлсэн болно. Үүнд:
– “Сочи-2014” Өвлийн Олимпийн XXII наадам – 30 сая төгрөг
– “Сочи-2014” Өвлийн Паралимпийн XI наадам – 20 сая төгрөг
– “Нанжинь-2014” Залуучуудын Зуны Олимпийн II наадам – 30 сая төгрөг
– “Инчёон-2014” Азийн XVII наадам – 47 сая төгрөг
– “Инчёон-2014” Азийн Паралимпийн XI наадам – 40 сая төгрөгийн дэмжлэгийг тухайн спортын наадамд Монгол Улсын баг тамирчдыг зохион байгуулж оролцуулах эрх бүхий Төрийн бус байгууллагуудаар дамжуулан олгосон.
Өмнө нь томоохон наадмуудад оролцоход зөвхөн үндэсний шигшээ багийн тамирчдын зардлыг төр хариуцдаг байсан бол 2013 оноос үндэсний шигшээ багийн бус тамирчдын зардалд дэмжлэг үзүүлж эхэлсэн бөгөөд 2013 онд “Казань-2013” Оюутны Универсиад наадамд 260 сая төгрөг, “Кали-2013” Дэлхийн спортын наадамд (олимпийн бус төрлийн спортын төрлүүдийн наадам) 30 сая төгрөг, “Софи-2014” Дифлимпийн Зуны наадам (сонсголын бэрхшээлтэй иргэдийн наадам)-д 30 сая төгрөгийг тус тус тусгайлан нэр зааж төлөвлөгөөнд тусган дэмжлэг үзүүлсэн байдаг.
