Монгол Улсын Гавьяат жүжигчин, дуучин Лосолын Болдбаатар “Монголоо дуулна” тоглолтоо өнгөрсөн есдүгээр сард Төв цэнгэлдэх хүрээлэн дүүрэн 38.000 үзэгчтэйгээр хийсэн.
Тэрбээр эл тоглолынхоо дараа цахим хуудсандаа “Хайр, хүндэтгэл дунд Монголоо дуулсан өдөр өндөрлөж дуучин болох гэж хичээж бүтээсэн 25 жилийн дараах цаг тооны хуанли шинээр эхлэв. Би та бүхэндээ амласан ёсоор монгол түмэнтэйгээ Төв цэнгэлдэхэд хамтдаа “найрлалаа”. Бүх насныхан цуглаж, дуулсан дуу бүрийг минь дагаж дуулах тэр мөч бүрт дуучин болгох гэж хүүгээ хөтлөөд гүйж явсан аав ээждээ дэндүү их талархаж зогслоо. Үнэнч үзэгч сонсогчиддоо баярлалаа, намайг дэмжиж урам зориг хайрладаг та нартаа баярлалаа” хэмээн сэтгэгдлээ илэрхийлсэн юм.
Тэгвэл тэрбээр эл тоглолтын орлогоосоо 10 жил хамтран ажилласан дууны инженертээ тоглолтын орлогоосоо хоёр өрөө байрны түлхүүр гардуулжээ.
Мөн Гавьяат жүжигчин, дуучин Л.Болдбаатар тун удахгүй Дархан, Эрдэнэт хотуудад тоглолтоо хийхээр төлөвлөжээ.
