Роберт Паттинсоны тоглосон “The Batman Part II” киноны зураг авалт түр хугацаагаар зогслоо. Учир нь тус киноны найруулагч Мэтт Ривз гэр бүлийн асуудалдаа анхаарал хандуулахын тулд үйлдвэрлэлийн ажлаас түр завсарлажээ.
“Warner Bros.” болон “DC Studios”-ын зүгээс энэ тухай мэдэгдсэн байна. Мөн студи найруулагчийн шийдвэрийг бүрэн дэмжиж байгаа бөгөөд зураг авалтыг удахгүй үргэлжлүүлэхээр төлөвлөж байгаагаа онцолжээ.
Тус кинонд Роберт Паттинсон Брюс Уэйн буюу Бэтмэний дүрээ дахин бүтээж байгаа юм. Мөн Скарлетт Йоханссон, Колин Фаррелл, Себастиан Стэн, Энди Серкис, Жеффри Райт нарын жүжигчид тоглож байна.
“The Batman Part II” кино анх 2026 оны аравдугаар сарын 2-нд нээлтээ хийхээр төлөвлөгдөж байсан ч дараа нь 2027 оны аравдугаар сарын 1, улмаар 2028 оны хоёрдугаар сарын 18 хүртэл хойшлогдсон юм. Одоогоор зураг авалтын түр зогсолт нээлтийн товд дахин өөрчлөлт оруулах эсэх нь тодорхойгүй байна.
Мэтт Ривз 2022 онд гарсан “The Batman” киног найруулсан бөгөөд Роберт Паттинсон гол дүрд тоглосон уг бүтээл дэлхий даяар амжилттай болсон билээ.
