Алтан дэлхийн хөрсөн дээр ургасан булбарай цэцэг шиг
Энхрий танхилхан хөөрхөн жаалууд
Эрхэс тэнгэрийн мандал руу дүүлэн нисэх шувууд шиг
Эгдүүтэйхэн тэр хөөрхөн хүүхдүүд
Элбэрлийн сайханд эрхийлсэн энгүй тансаг эрдэнэ шиг
Ээж аавын хөөрхөн хүүхдүүд
Мөрөөдлийн оргилд гялалзах мөнгөн цагаан сувд шиг
Мөнхийн аз жаргал тэр хөөрхөн хүүхдүүд
Цэлмэг уудам тэнгэрээ
Цэцэгт алтан дэлхийгээ
Хүүхдийн мөрөөдөл болж
Хүн бүхийг жаргаахсан
Хөөрхөн тэднийгээ үргэлж хайрлацгаая
Амьдралын гэрэл гэгээ бүхнийг аз жаргалаар тэтгэх шиг
Алиа хөгжилтэй хөөрхөн хүүхдүүд
Хүний ертөнцийн хөгжмийг хөглөн эгшиглэх аялгуу шиг
Хөөр баярын эхлэл тэр хөөрхөн хүүхдүүд
Цэлмэг уудам тэнгэрээ
Цэцэгт алтан дэлхийгээ
Хүүхдийн мөрөөдөл болж
Хүн бүхийг жаргаахсан
Хөөрхөн тэднийгээ үргэлж хайрлацгаая
Хөөрхөөн хүүхдүүд
Цэлмэг уудам тэнгэрээ
Цэцэгт алтан дэлхийгээ
Хүүхдийн мөрөөдөл болж
Хүн бүхийг жаргаахсан
Хөөрхөн тэднийгээ үргэлж хайрлацгаая
Цэлмэг уудам тэнгэрээ
Цэцэгт алтан дэлхийгээ
Хүүхдийн мөрөөдөл болж
Хүн бүхийг жаргаахсан
Хөөрхөн тэднийгээ үргэлж хайрлацгаая
Хөөрхөн тэднийгээ үргэлж хайрлацгаая
