Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
Урлаг.мн»Нийгэм»Тайлор Свифтын “Blank Space” буюу “Хоосон зай” дууны орчуулга
Нийгэм

Тайлор Свифтын “Blank Space” буюу “Хоосон зай” дууны орчуулга

Урлаг Урлаг22/12/2014Сэтгэгдэл байхгүй3 минут уншина
Facebook Twitter LinkedIn Имэйл Telegram WhatsApp
taylor_swift112002853582014-12-22-13-13[www.urlag.mn].jpg
Share
Facebook Twitter LinkedIn Pinterest Имэйл

 

   Тайлор Свифтын 1989 цомог дахь “Blank Space” буюу “Хоосон зай” хэмээх дуу сүүлийн үеийн хит болоод байна. Электропоп маягийн энэхүү дууг Тайлор ганцаараа бус, Макс Мартин, Шийлбак (Shellback) нартай хамтран зохиожээ. Та бүхэндээ энэхүү дууны Монгол орчуулгыг хүргэж байна.

Хоосон зай

Хаагуур зөрсөн залуу вэ, чамтай ингэж танилцах байж

Хачин дотно зүйлсийг үзүүлэх л байлаа, чамд би

Гайхамшиг – солиорол,

                                 газрын диваажин- гаслант там гээд л…

Харлаа чамайг, тэгээд шүүрс алдлаа

Хан тэнгэр минь, хараач түүнийг

Дугаар алдаа минь чи байна шүү дээ

Дурлал гэж тоглоом, үзээд алдах уу хоёулаа?

Олоод удаагүй, үрж амжаагүй мөнгө,

                             үнэтэй зангиа хослол

Ойлгомжтой шүү дээ, чамайг унших дэндүү хялбар

Олны яриа, дэл сул үгс намайг харин юу гэсэн бол

Сонорт чинь мэдээж энэ тухай

                                           сонсогдсон л байх учиртай

Гэлээ ч энэ тоглоом хэрхэн дуусахыг тэсэн ядан хүлээнэ

Эхлээд чи гараас минь хөтөл, гадагш зугаалъя

Эмнэг залуусыг би сайн өдрүүдээр л сургачихдаг юм.

 Дахилт

Үүрд ингэж явах уу

Үнс болон хийсэх үү

Өвдөхөд харамсахааргүй байсан уу

Өнгөрсөн хойно нь хэлээрэй

Уулзаж учирсан залуу олон

Бүгд намайг солиотой гэнэ

Учир нь та нар тоглоомд донтой

Би харин тоглогчид нь дуртай

 

Зоргоор гэнэн болохоороо хоёул

Зогсохоо мэдэхгүй удаан явна

Эцэст нь чи сүг сүнс болно

Эсвэл гүн шархтай хоцорно

Уулзаж учирсан залуусын минь нэрс

Урт жагсаалт болдог юм

Хонгор минь чиний нэрийг бичих

Хоосон зай тэнд бий, бүү зов

Амтат уруул, амрагийн тэнгэр

Гайхамшгийг чамд би үзүүлж чадна

Асуугаагүй үнсэлт, өчөөгүй үнэн

Хаан нь чи мөн бол Хатан нь би.

Ямар бүсгүйг мөрөөддөгөө хэл

Яг нэг сар би тийм байж чадна

Янаг минь, гамшиг харин араас нь нөмөрнө өө

Орилж хашгиран, уйлан дуулж

Орвонгоор нь бүхнийг эргүүлж чадна би

Сарнай цэцэг өргөстэйг мэдэхүй

Санаа алдан, нүдэндээ ч чи итгэхгүй

Хардалт, тачаалдаа хөлчүүрхэн, хөөнө би чамайг

Харамсалтай нь чи энд эргээд л ирнэ, учир нь

Үлгэр мөрөөдлийн дагина мэт харагдах

Үзэсгэлэнт хүйтэн шулам юм аа би.

Энэлэх л гэж дурладаг атлаа хөвгүүд та нар

Эхэнд нь хэлсэнгүй гэж битгий л гомдолло.

www.URLAG.mn

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Нийгэм Урлаг

БҮТЭЭЛЭЭ ХАМГААЛ – ЗОХИОГЧИЙН ЭРХЭЭ МЭДЬЕ, ЭРХЭЭ ХАМГААЛЪЯ

19/11/2026
Нийгэм Урлаг

ФОТО:  Их Эзэн Чингис хааны хөшөөнд хүндэтгэл үзүүлэв

10/11/2026
Нийгэм Урлаг

Үнэн хүндэтгэл бол үргэлжлэх өв юм

10/11/2026

Сэтгэгдэл хаалттай

Сүүлд нэмэгдсэн

80 настай Шер 120 мянган үзэгчийн өмнө Гластонберигийн фестивалийн тайзнаа тоглоно

20/11/2026

Эй Жей Маклин “Backstreet Boys” хамтлагийн гишүүдгүйгээр бие даан аялан тоглолт хийх нь амаргүй сорилт байсныг ярьжээ

20/11/2026

Тейлор Свифт 2026 оны “CMA Awards”-т 2,720 ам.долларын даашинзаар гангарав

20/11/2026

Орчин үеийн монгол зураг Милан хотноо дэлгэгдэж байна

20/11/2026

“Physical: Asia” шоуны хоёрдугаар улирлыг хийхээх болжээ

20/11/2026
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2026 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.