Монголд анх удаагаа “Блэк Бокс” театрын тайзнаа Францын алдарт яруу найрагч, зохиолч, жүжгийн зохиолч, зураач, кино найруулагч Жан Коктогийн “Хүний дуу хоолой” моно драм өнгөрөгч оны 12 сард нээлтээ хийж байсан билээ. Жүжгийн гол дүрийг тус театрын жүжигчин Д.Оюунзул амилуулан хүргэж байсан. Тэгвэл энэхүү жүжиг энэ сарын 17-нд буюу өнөөдөр 18:00 цагаас “Блэк Бокс” театрт дахин тоглогдохоор болжээ.
Жан Кокто 10 настайгаасаа зохиол бүтээл туурвиж, 16 настайдаа яруу найргийн түүврээ хэвлүүлсэн, нэгэнтээ хүлээн зөвшөөрөгдсөн найрагч болоод байв. Тэрбээр театр, тайзны зураг чимэглэл, кино гээд цаг үеийнхээ хурдацтай өөрчлөгдөн хувьссан урлагийн олон салбарт өөрийгөө сорьсон ч амьдралынхаа турш яруу найрагч л байжээ. Бүрэн хэмжээний 10 гаруй кино найруулсан тэрбээр түүхэнд авангард кино бүтээгчдийн хамгийн онцгой уран бүтээлчийн нэгээр бичигдэн үлдсэн юм.
www.Urlag.mn
