УДБЭТ 2015 оны нэгдүгээр сарын 24, 25-ны өдрүүдэд вальс хөгжмийн хаан гэгддэг Австрийн алдарт хөгжмийн зохиолч И.Штраусын 15 хөгжмийн бүтээлүүдийг нэгтгэсэн “Оргилуун дарс” нэртэй шинэ балетыг дэглэн тоглууллаа. “Оргилуун дарс” балет нь нэгэн үзэсгэлэнт бүсгүйн сэтгэлд ургасан төсөөлөл, түүний баяр баяслаар дамжуулан залуу хүний дотоод ертөнц, амьдралын сайхан талыг орчин үеийн сонгодог бүжиг болон вальс бүжгийн гайхамшигт хослолоор харуулахыг зорьж буйгаараа онцлог юм. Тоглолтонд поп опера "Consonans" хамтлаг, бүжгийн "Хатан туул" хамтлаг, симфони найрал хөгжимчид өөрсдийн уран бүтээлээс эгшиглүүлж үзэгчдэд сонгодог үдшийг мэдрүүлж чадсан юм. Уг тоглолт 2 өдрийн турш танхим дүүрэн үзэгчдийн халуун алга ташилтан дор амжилттай тоглогдож дууслаа.
www.Urlag.mn
