Дэлхийн алдарт жүжигчин, хамгийн сайхан бүсгүй Анжелина Жолиг бид сайн үйлсийн ажилд идэвхийлэн оролцдог гэдгийг мэднэ. Жүжигчин бүсгүй маань хүчирхийлэл, дайн түрэмгийлэл, ядуурал өлсгөлөнд нэрвэгдсэн олон мянган иргэдэд туслах зорилгоор сайн үйлсийн аянгаа явуулдаг билээ. Энэ ч утгаараа түүнийг өнгөрсөн 2012 онд НҮБ-ын дээд комиссарын дүрвэгсдийн асуудал хариуцсан тусгай элч болгожээ.
Тэрээр саяхан Иракийн хойд хэсэгт орших дүрвэгсдийн хуаранд очсон бөгөөд энэ үеэр дэлхийн удирдагчдад хандаж Ирак, Сирийн нутаг дахь мөргөлдөөнийг эцэс болгохыг уриалсан байна. Тэрээр “Маш олон гэм зэмгүй хүмүүс Сирийн мөргөлдөөний золиос болж байна. Олон улсын хамтын нийгэмлэг илүү их хүчин чармайлт гаргах хэрэгтэй байна” гэдгийг онцлон хэлжээ.
www.urlag.mn
