Энэ сарын 31-нд буюу өнөөдөр 17:00 цагт УДБЭТ-ын тайзнаа Ж.Пуччинийн хөгжим, Л.Иллизи, Дж.Джакоза нарын цомнол “Богема” дуурь тавигдах гэж байна. Анх 2004 оны тавдугаар сарын 7-нд ДБЭТ-ын тайзнаа амилсан энэхүү дуурийн удирдаачаар УГЗ Н.Туулайхүү, найруулагчаар Ерөнхийлөгчийн нэрэмжит шагналт СТА Г.Эрдэнэбаатар, зураачаар СТА Г.Ганбаатар нар ажиллажээ.
Рудольфийн дүрд тенор хоолойт Б.Гомбо-Очир, Марселийн дүрд баритон хоолойт Э.Анхбаяр, Шонарын дүрд баритон хоолойт М.Амарсанаа, Коллений дүрд СТА О.Хүрэлбаатар нар тоглох нь. 1830-аад оны Парист үйл явдал нь өрнөх уг дуурийг анх 1896 оны хоёрдугаар сарын 1-нд Туриний театрт тоглож байсан түүхтэй.
Дуурийн тухай товч танилцуулахад анх 1896 оны хоёрдугаар сарын 1-нд Турин хотын “Реджо” театрт тоглож байжээ. 1849 онд А.Мюржегийн бичсэн “Богемачуудын амьдрал” хэмээх романаас сэдэвлэн 1849 онд Т.Барре тайзнаа жүжиг болгон Париж хотноо маш амжилттай тоглож байсан аж. Дараа нь энэ зохиолоор Дж.Пуччиний дуурь бичсэн байна.
Дж.Пуччини энэ уран бүтээлээр өөртөө авьяас хэмээх асар их баялаг бүхий уран бүтээлч залуус мөнгөгүйгээс болж ямар өрөвдмөөр үл үзэгдэх зовлонг туулж байгаа харуулахыг зорьсон байдаг. Дж.Пуччинийн хувьд энэ бүхэн Миланы хөгжмийн дээд сургуульд сурч байх үеийнх нь хийгээд их авьяас билэгтэй хүмүүсийн хувь заяа хүн төрөлхтөнд агуу ихийг үлдээдэг боловч эмгэнэлтэй байдаг тухай хөгжмийн хэлээр яруу дүрсэлж чадсан юм. Уг романыг дуурь болгоход нилээд товчлох шаардлагатай байсан ба зохиолын утга санаа огт хөндөлгүй хадгалж үлдсэн байна.
Гол дүрүүд:
Рудольф /яруу найрагч/ (тенор) – Б.Гомбо-Очир
Марсель /зураач/ (баритон)- Э.Анхбаяр СТА
Шонар /хөгжимчин/ (баритон)- М.Болд МУГЖ
Коллен /гүн ухаанч/ (бас) – О.Хүрэлбаатар СТА
Бенуа /байрны эзэн/ (бас) – Э.Бумхүү СТА
Альциндор /бийлэгжүү эр/ (бас) – Б.Алтанхуяг СТА
Мими /Рудольфын бүсгүй/ (сопрано) – С.Мөнгөнцэцэг МУГЖ
Мюзетта /Марселийн бүсгүй/ (сопрано) – Н.Туяа СТА
Парпиньол /тоглоом худалдагч/ (тенор) – М.Даваадорж
Гаалийн түрүүч (бас) – Д.Бат-Эрдэнэ
Оюутнууд, хээнцэр хүүхнүүд, хотын иргэд, худалдаачид, цэргүүд, хоолны газрын үйлчлэгчид, охид хөвгүүдэд найрал дуучид тоглоно.
Хөгжим: Ж.Пуччини
Цомнол: Л.Иллика, Ж.Жакоза
Удирдаач: Н.Туулайхүү УГЗ, ЕНШ
Найруулагч: Г.Эрдэнэбаатар СТА, ЕНШ
Зураач: Г.Ганбаатар СТА, ЕНШ
Туслах найруулагч – Е.Сарантуяа СТА
Тасалбарыг УДБЭТ-н касс болон www.monda.mn -р худалдаалж байна
www.Urlag.mn
