Монгол түмний баяр болсон сар шинийн баярыг тохиолдуулан "ТВ10" телевизийн хамт олон үүсгэн байгуулагдсныхаа 3-н жилийн ойн баярын хүрээнд нийтийн дуучдын хамтарсан "Амар байна уу" хүндэтгэлийн концертыг өнөөдөр Монгол бөхийн өргөөнөө 19:00 цагт толилуулах гэж байна.
Тоглолтонд өөрсдийн уран бүтээлээрээ хэдийнээ сонсогч түмнийхээ хүндлэлийг хүлээсэн дуучид болох Ардын жүжигчин Ш.Чимэдцэеэ, МУГЖ У.Далантай, С.Жавхлан, Ч.Бат-Эрдэнэ, С.Ганзориг болон "Түмэн жилдээ жаргалтай байг" тоглолтоо хийгээд удаагүй байгаа дуучин Лосолын Болдбаатар нар хүрэлцэн ирж, ая дуугаа өргөх нээ.
Мөн "Дурлан дурлан хайрламаар" дуугаараа монголчуудад танил болсон дуучин Д.Намсрайноров, удахгүй бие даасан тоглолтоо хийх гэж буй дуучин Я.Гэрэлчулуун, сонгодог урлагийг мэдрүүлэгч "Увертура" хамтлаг, гээд олон сайхан уран бүтээлчид маань өнөөдөр орой нэгэн дээвэр дор хуран чуулж сонсогч түмнийхээ хайртай дуунуудаар сонорыг нь мялаах ажээ. Тасалбарыг 1900-1905 утсаар үнэгүй хүргэж өгөх юм байна.
www.Urlag.mn
