Кино сонирхогчдын дунд ихээхэн хүлээлтийг үүсгээд байгаа “Содура” уран сайхны кино өнөөдөр бүх кино театруудаар албан ёсоор нээлтээ хийнэ. Тус киноны зохиолыг С.Сумьяа, О.Эрдэнэ нар хамтран бичиж, Б.Жаргалсайхан найруулсан аж.
Гол дүрд нь ардын жүжигчин П.Цэрэндагва, Д.Мэндбаяр, соёлын тэргүүний ажилтан Амбий буюу Ц.Батхуяг агсан, С.Болормаа, жүжигчин С.Ариунбямба, Ч.Очгэрэл, А.Өнөржаргал, О.Амгаланбаатар, Н.Оюунсүрэн нар тогложээ. "Содура" кинонд тайгын амьдрал, Цаатан үндэстний аж байдлыг тод томруунаар дүрслэн харуулсан бөгөөд хүний амьдралын гол утга учир болох хайр сэтгэлийн ариун нандин холбоог өгүүлжээ.
