Ээжийн бүүвэйн дуутай энэхэн орчлонд
Энхрий хайранд өлгийдүүлж ирсэн
Элэг бүтэн аав л ээждээ
Эрхээр өссөн үр нь би билээ
Нэр хайрласан аав л ээжийнхээ
Нэхэлгүй хайранд өссөн болохоор
Надаас эгшиглэх аялгуу бүхэн
Лонарт хорвоогийн хүмүүн таныхаа
Насан залуу хайрт минь чинийхээ
Намбалаг инээдийг чинь би үгүйлдэг
Хүсэл оргилуулж ирсэн үрээ
Хан тэнгэрээс буусан нар гэж боддог
Хүслээр дүүрэн хүний энэ орчлонд
Хүлцэлгүй амьдарсандаа би жаргалтай
Надаас эгшиглэх аялгуу бүхэн
Нарт хорвоогийн хүмүүн таныхаа
Өлмий тэмтрэн үнссэн газар шороо минь
Өсөж торнисон гэрийн минь буйр билээ
Өөрөөс минь намайг нэхэх амьдралд
Өргүй яваадаа хүү чинь баярладаг
Хүслээр дүүрэн хүний энэ орчлонд
Хүлцэлгүй амьдарсандаа би жаргалтай
Надаас эгшиглэх аялгуу бүхэн
Нарт хорвоогийн хүмүүн таныхаа
