Дотоод эрчим хүч минь илүүдвэл
Дэлхийн хөрсөнд алгаа хүргэнэ.
Ухаан санаа минь самуурвал
Уулын оргилд гарч дуу аялна.
Хүсэл мөрөөдөл минь биелвэл
Хүзүүнээсээ олс углана.
Амьдрал утгатай санагдвал
Архи сархадыг хэсэг зооглоно.
Жаргал цэнгэл халиад ирвэл
Жаран хөлтэй хорхой тэжээнэ.
Зовлон гуниг хэтрээд ирвэл
Завь үйлдэж голоор аялна.
Хүсэл мөрөөдөл минь биелвэл
Хүзүүнээсээ олс углана.
Амьдрал утгатай санагдвал
Архи сархадыг хэсэг зооглоно.
