Хайр дурлалын тэнгэр нэгэн сайхан өдөр
Миний хайрт хонгорыг надад заяасан билээ
Тэр сайхан сайхан өдрөөс хойш би
Дурлал хайрандаа шатаж явнаа
Алагхан нүдний чинь ялдамхан харц
Амраг хайрын илчийг илэрхийлнэ
Ариухан төрсөн гуалиг биеийг чинь
Ахин дахин хараад хэзээд ханашгүй
Хайрт чинийхээ төрсөн өдрийн баяраар
Хоёул хамтдаа бүдэг лааны гэрэлд
Бие биенээ ширтэн сарнай цэцгийн дунд
Эрхлэнхэн наадан цэнгэн жаргадаг билээ
Хүний сайхан үр миний сайхан амраг
Дурлал хайрын эзэн хөөрхөн хонгор
Чи минь наддаа эрхлээч намайг үнсээч
Чанга тэврэнхэн зүрхийг минь сонсооч
Дх: Хайртай шүү би чамдаа
Хайрлаач дээ чи намайгаа
Энхрийлж намайг чанга тэврээч
Энхрий ялдам хонгор минь
Нялх хүүхэд мэт чи минь намайгаа
Зөөлөн туяхан гараараа хацар илбэн
Хамаг биеийг минь халуун биеэндээ наан
Цэнгэг нуурын усанд илэн таалдаг
Ээждээ эрхлэх мэт энхрий чинийхээ өвөр дээр
Өдөржин шөнөжин байсан ч ханашгүй
Булбарай зөөлөн хүзүүнд чинь тэмүүлэн ороход
Анх төрсөн хүүхдийнх мэт анхилуун үнэртэй
Хайртай хонгор чи минь дэргэд минь үгүй бол
Нарт ертөнц хорвоо хоосон мэт санагдана
Дурлал хайрын ордондоо чамтайгаа байя
Янаг хайрын асартаа чамтайгаа жаргая
Хүний сайхан үр миний хайрт амраг
Дурлал хайрын эзэн хөөрхөн хонгор чи минь
Наддаа эрхлээч намайг үнсээч
Чанга тэврэнхэн зүрхийг минь сонсооч
Дх: Хайртай шүү би чамдаа
Хайрлаач дээ чи намайгаа
Энхрийлж намайг чанга тэврээч
Энхрий ялдам хонгор минь
Нялх хүүхэд мэт чи минь намайгаа
Зөөлөн туяхан гараараа хацар илбэн
Хамаг биеийг минь халуун биеэндээ наан
Цэнгэг нуурын усанд илэн таалдаг
