Цэцгийн мөнгөн шүүдрийг
Цэнхэр үүрээр үсчүүлээд
Цамцаа дэрвүүлэн гүйсэн
Цайлган багын минь нутаг аа
Дураар танхил насны минь
Дурсамж дүүрэн өдрүүд
Дунд уртын гол оо
Замбууд мөртэй өвгөдийн минь
Залбирч идээшин суусан
Заяа түвшин нутаг аа
Бодлын мөнгөн өглөөгүүр
Бороон шиврээ найраад
Сэвлэгээ норгон гүйсэн
Сэргэлэн багын нутаг аа
Дураар танхил насны минь
Дурсамж дүүрэн өдрүүд
Дунд уртын гол оо
Замбууд мөртэй өвгөдийн минь
Залбирч идээшин суусан
Заяа түвшин нутаг аа
Үдлээд буусан шувууд нь
Үүрээ засаад зусдаг
Үрийн үр минь амьдрах
Үүрдийн амгалан нутаг аа
Дураар танхил насны минь
Дурсамж дүүрэн өдрүүд
Дунд уртын гол оо
Замбууд мөртэй өвгөдийн минь
Залбирч идээшин суусан
Заяа түвшин нутаг аа
