Өнөөдөр олон улсын эмэгтэйчүүдийн хүний эрхийг хамгаалагчдын өдөр. Эмэгтэйчүүдийн хүний эрхийг хамгаалж, тэмцэж яваад амь насаа алдсан феминистуудэд хүндэтгэл үзүүлэх өдрийг жендэрт суурилсан хүчирхийлэлтэй тэмцэх 16 хоногийн аяны хүрээнд тэмдэглэн өнгөрүүлдэг юм. Энэ удаа 9 бүс нутаг 30 орны эмэгтэйчүүдийн эрхийн төлөө тэмцэж яваа амь насаа алдсан эмэгтэйчүүдийн хүний эрхийн 60 хамгаалагчдад хүндэтгэл үзүүлж байна.
Тэд сэтгүүлчид, нутгийн уугуул иргэд, байгаль орчны эрхийн идэвхтэн, эрдэмтэн, транс болон lgbqi эрх, улс төрчид, зохиолч, хуульч, өмгөөлөгч ээж аавын хайртай охид байсан юм. Тэд нутгийн уугуул иргэдийн эрх, газар ашиглах эрх, байгаль орчны шударга ёсны төлөө тэмцэж, хүчингийн хэрэг, хүчирхийлэл, эцгийн эрхт ёсны эсрэг тэмцэж амь насаа алдсан цогтой тэмцэгч бүсгүйчүүд…
Манай оронд ч мөн ялгаагүй хүний эрхийн төлөө тэмцэгч бүсгүйчүүд янз бүрийн шалтгаанаар өнөөдөр бидний дунд байхгүй ч тэд нарынхаа гэгээн дурсгалыг хүндэтгэе.
Эмэгтэйчүүдийн хүний эрхийн төлөө цогтой тэмцэгч нартаа хүндэтгэл үзүүлье
Та дараахь линк рүү орж эмэгтэйчүүдийн хүний эрхийн төлөө амь насаа алдсан 60 феминистийн цахим үзэсгэлэнг сонирхох боломжтой Https://www.awid.org/whrd-tribute…
