Өнгөрсөн үеийн загварыг тодорхойлогчид гэвэл Одри Хэпберн, Грейс Келли, Жаклин Кеннеди болон Мэрилин Монро гэх мэт алдар цуутай эмэгтэйчүүдийг нэрлэнэ. Тэдний өмссөн хувцас тухайн үеийн эмэгтэйчүүдийн дунд эрэлттэй болдог байсан. Одоо ч тэд алдартай хэвээр. Харин 21-р зууны загварын чиг хандлагыг эдгээр бүсгүйчүүд тодорхойлж байгаа аж.
Блейк Лайвли
Холливудын од Блейк Лайвли шулуун, намирсан үс нь бусдын анхаарлыг татдаг. Харин хувцаслалтын тухайд хувийн стилистгүй бөгөөд "Би өөрийн зөн совингоороо хувцасаа сонгож өмсдөг" гэж хэлсэн байна.
Сара Джессика Паркер
Эмэгтэй хүний шүүгээнд байх ёстой бүхий л хувцас түүнд бий. Ялангуяа түүний хэрэглэдэг өнгөлөг цүнх, загварлаг малгай, ороолт, гутал нь бүсгүйчүүдийн дунд эрэлттэй байдаг аж.
Анна Винтур
Нарны шилны загварыг тодорхойлогч Анна Винтур. Түүний зүүсэн шил хамгийн эрэлттэй байдаг байна.
Оливия Палермо
Түүний хувцаслалт онцгой. Сонин хэлбэр дүрстэй, хурц өнцөг бүхий дүрсийг ашиглан зохиосон хувцас өмсдөг. Түүний ийм онцгой байдлаас хүүхнүүд үлгэр жишээ авах дуртай.
Виктория Бекхэм
Загвар зохион бүтээгч Бекхэмийг загварлаг шил, нарийн юбка , сонирхолтой үсний засалт, хүйтэн төрх нь өвөрмөц хэв маягтай харагдуулдаг.
Дита фон Тиз
Хамгийн эмэгтэйлэг хувцасладаг одуудын нэг. Үргэлж даашинз, юпка өмсөх дуртай. Мөн час улаан уруул, тас хар долгионтой үс нь секси харагдуулдаг.
Рената Литвинова
Уруулын будаг, нүдний будалт үсний засалт нь эмэгтэйчүүдийг анхаарлыг их татдаг. Мөн алчуураар толгойгоо боож шаргал үс, цайвар нүүрээ илүү тодотгож өгдөг. Өвлийн улиралд ч үслэг сайхан малгайгаар гангардаг. Нүдний шил бол түүний салшгүй нэг хэсэг.
Кейт Миддлтон
Хамгийн даруу хийгээд дэгжин хувцасладаг эмэгтэй. Үргэлж бэлхүүсээ тодотгосон хувцас сонгодог бөгөөд язгууртан байдлаа илэрхийлэхийн тулд толгойдоо чимэглэл бүхий жижиг малгай өмсдөг.
Моника Беллуччи
Гоо үзэсгэлэн, авъяас чадвараараа дэлхийд танигдсан алдарт жүжигчин бүсгүй Моника Беллуччи. Тэрээр урт биеийн галбирыг сайхан харагдуулах даашинз сонгох дуртай. Өндөр өсгийт түүний байнгын хэрэглээ. Буржгар үс, нууцлаг инээмсэглэл нь түүнийг улам үзэсгэлэнтэй болгодог.
Мирослава Дума
"Хүрэм бол миний гол хэрэглээ" гэж нэгэн ярилцлагандаа тэрээр хэлжээ. Геометрийн дүрс бүхий, тод өнгийн хувцаслалт нь анзаарахгүй өнгөрөх аргагүй. Түүний өвөрмөц хэв маягаас олон эмэгтэйчүүд үлгэр дууриал авдаг.
Эх сурвалж: fashion.everyday.mn
