Сүүлийн үед урлагаас төрсөн хосууд салах тохиолдол цөөнгүй гарч байгаа юм. Тэгвэл үлгэр жишээ урлагийн нэгэн гэр бүл бол дуучин А.Түмэн-Өлзийгийнх билээ. Түүнийг амьдралынхаа ханиар Авто кузов засварчин мэргэжилтэй залууг сонгоход бүгд л гайхан хүлээж авч байсан. Тэдний танилцсан түүх нь ч бусдаас их өвөрмөц байсан гэнэ. Тухайлбал, Швейцар, Шведэд найман жил амьдарсан эл залуу фэйсбүүкээс дуучин бүсгүйн зургийг анх харсан гэнэ. “Дуучин гэдгийг нь мэдээгүй ч урлагийн хүн болов уу гэсэн ямар нэгэн мэдрэмж төрсөн. Сайхан бүсгүй юм даа, ойр дотно танилцах юмсан гэсэн бодлоор харилцаж, яваандаа түүнийг бүжигчин байх гэж боддог боллоо. Гэтэл биш байж” хэмээн түүний нөхөр дурджээ.
Харин А.Түмэн-Өлзий ханийнхаа тухай “Танилцах хүсэлт илгээсэн үл таних залуугийн зургийг хараад сэтгэл татагдсанаа нууж чадаагүй. Үнэхээр сайхан залуу юм. Миний заяаны хань иймэрхүү л хүн байгаа болов уу гэж бодсон” хэмээн нэгэн нэвтрүүлгийн үеэр дурсав.
Эхэндээ Нөхөр нь А.Түмэн-Өлзийг дуучин гэдгийг мэддэггүй байжээ. Улмаар цаг товлон уулзах үедээ өөрийнхөө бодит байдлыг үнэнээр нь хэлсэн бөгөөд урлагийн хүний ажил амьдралын онцлогийг ч тодорхой сануулж байжээ.
Б.Янжиндулам
Эх сурвалж: Breakingnews.mn
