Олон улсын Хүүхдийн эрхийг хамгаалах өдрийг энэ жил 2017 оны 6 дугаар сарын 01-ний өдөр “Монголхүүхдүүд” сэдвийн хүрээнд зохион байгуулах юм. Энэ өдөр Сүхбаатарын талбайд урлаг соёлыг үзвэр, худалдаа, үйлчилгээний олон арга хэмжээ зохион байгуулагдана.
Энэ үеэр хүүхэд багачууд, эцэг эхчүүдийн аюулгүй байдлыг хангах, баяраа тэмдэглэх нөхцөл бололцоогоор хангах зорилгоор Сүхбаатарын талбайн баруун болон зүүн хэсгийн автозамын хөдөлгөөнийг тухайн өдрийн 11.00-16.00 цагийн хооронд түр хугацаагаар хязгаарлах юм. Мөн хүүхэд багачуудын “Явган парад” болох ба энэхүү парадтай холбогдуулан, Ерөнхий сайд Амарын гудамж буюу Соёлын төв өргөөний хойд талын автозамын хөдөлгөөнийг мөн түр хугацаагаар хязгаарлана. Иймд жолооч та дээрх чиглэлээс бусад замыг сонгон хөдөлгөөнд оролцох боломжтой хэмээн Замын цагдаагийн албанаас мэдээлж байна.
