Ард түмэндээ “Морины дуучин” хэмээн овоглогдсон Соёлын тэргүүний ажилтан Ламжавын Нарантуяагийн уран бүтээлийн тавдахь бие даасан тоглолт ирэх арваннэгдүгээр сарын 03-нд Монгол Бөхийн өргөөнд болно.
Жил болгон ард түмэндээ сюрприз дүүрэн байдаг түүний тоглолтыг үзэгч түмэн тэсэн ядан хүлээдэг болсон гэнэ шүү. Өмнөх жил тэрбээр “Аргагүй хурдан ажнай” тоглолтоо хийсэн бөгөөд тоглолтод нь хурдан морины уяач 300 гаруй хүн Монгол орны өнцөг булан бүрээс ирж оролцон үзэгч түмнийг уулга алдуулаад амжсан билээ. Тэгвэл энэ жил “Дуун тамгатай хүлгүүд” тоглолтын үеэр олон шинэ уран бүтээлээ сонирхуулах бөгөөд тоглолтод “Хар сарнай” хамтлагийн дуучин Амараатай хамтран шинэхэн уран бүтээлээ дуулах гэнэ. Хурдан хүлгийн тоос, аялгуунд хийморио даатгадаг монгол түмнийг уйдаахааргүй тоглолтоо тоглоно хэмээн амлаад байгаа аж.
Э.Тэргэл
