Монголын үзэгчдийг байлдан дагуулж буй "Зүрхний хилэн" уран сайхны кино гадаадын улс орнуудад ажиллаж амьдарч байгаа монголчуудад хүрэхээр тун удахгүй явахаар бэлтгэлээ базааж эхэлжээ. Тус киноны гол дүрийг бүтээсэн "Фантастик" продакшны жүжигчид ирэх арваннэгдүгээр сард Швед, Швейцарь, Бельги, Чех, Францад суугаа монголчуудтай уулзаж, уран бүтээлээ толилуулах юм байна.
Түүнчлэн Япон, Солонгос, АНУ, Австрали зэрэг улсуудын хотуудад киногоо гаргахаар төлөвлөж байгаа ажээ. Тухайлбал:
- Арваннэгдүгээр сарын 3-нд Шведийн Гётебург хотод
- Арваннэгдүгээр сарын 4-нд Шведийн Стокгольм хотод
- Арваннэгдүгээр сарын 6-нд Бельгийн Антверпен хотод
- Арваннэгдүгээр сарын 8-нд Францын Парис хотод
- Арваннэгдүгээр сарын 11-нд Швейцарийн Женев хотод
- Арваннэгдүгээр сарын 14-нд Чехийн Прага хотод "Зүрхний хилэн" УСК гарч үзэгчдийн хүртээл болгох нь ээ.
