НЗДТГ, НСУГ, УДБЭТ, Саунд оф Монголиа хамтран 2014 оны 07 дугаар сард “Best of Classics” сонгодог урлагийн үдшийн цэнгүүн буюу монголын сонгодог урлагийн шилдгүүдийн нэгдсэн тоглолтыг улсынхаа төв талбайд, үзэгчдэд нээлттэйгээр анх удаа зохион байгуулж байсан билээ.
Сонгодог урлагийн үнэнч үзэгчид, дэмжигчид болон дотоод гадаадын жуулчид, зочид төлөөлөгчид, нийслэлийн иргэдэд зориулан дэлхийн болон монголын сонгодог урлагийн шилдэг бүтээлээс дээжлэн толилуулдаг “Best of Classics” буюу сонгодог урлагийн үдшийн цэнгүүн энэ жил дөрөв дахь удаагаа зохион байгуулагдах гэж байна.
Дэлхийд гайхагдаж буй монголын сонгодог урлагаа үзэж сонирхох гайхалтай үдэш 7-р сарын 1-ний 21:00 цагт Д.Сүхбаатарын талбайд тохиох нь ээ. Энэ дашрамд дуулгахад УДБЭТ-ын хамт олон 55 дахь тоглолтын улирлын туршид 80 орчим дэлхийн болон үндэсний сонгодог дуурь, балет, хөгжмийн бүтээлүүдээр ард түмэндээ үйлчилжээ.
