БСШУСЯ, Засгийн газрын хэрэгжүүлэгч агентлаг Соёл урлагийн газар хамтран “Циркийн урлаг-хамтын ажиллагаа” зөвлөгөөнийг 2019 оны 05-р сарын 01-ний өдөр Улаанбаатар хотноо зохион байгуулах гэж байна.
Зөвлөгөөнд Хөдөлмөр, Нийгмийн Хамгааллын Яам, Гадаад Харилцааны Яам, Оюуны өмчийн газар, Монгол Улсын Консерваторийн Цирк бүжгийн урлагийн сургууль зэрэг төрийн байгууллагын төлөөлөл, Монголын циркчдийн холбоо, Монголын мэргэжлийн циркчдийн нэгдсэн холбоо, Шинэ цирк төв, Хадгаа цирк, Аса цирк, Залуу циркчдийн холбоо, X Roses уран нугаралтын төв зэрэг циркийн мэргэжлийн холбоодын төлөөлөл 70 гаруй хүн оролцох юм.
Уг зөвлөгөөн нь циркийн салбарын өнөөгийн байдал, тулгамдсан асуудлын талаар мэдээлэл солилцох, цаашдын хөгжлийн гарцыг тодорхойлох, төр хувийн хэвшлийн хамтын ажиллагааг бэхжүүлэх зорилготой бөгөөд дараах агуулгын хүрээнд илтгэл танилцуулга хийгдэх юм. Үүнд:
Бодлогын баримт бичиг, хууль тогтоомжийн хэрэгжилт
- Соёлын бодлого, хууль тогтоомжийн хэрэгжилтийн өнөөгийн байдал
- Мэргэжлийн боловсролын сургалтын асуудал
- Монгол Улсын гадаад сурталчилгаа – циркийн урлаг
- Зохиогчийн эрх түүнд хамаарах тухай хуулийн хэрэгжилт
Циркийн урлагийн урын сан, үйл ажиллагааны өнөөгийн байдал
- Монгол циркийн урын сангийн асуудалд
- Циркийн үйл ажиллагаа дахь олон улсын стандарт
- Циркийн уран бүтээлчдийн хөдөлмөрийн аюулгүй ажиллагаа, хамгаалал
Циркийн урлагийн хүний нөөцийн асуудал
- Циркийн уран бүтээлчдийн нийгмийн асуудалд
- Циркийн шавь сургалтын хэрэгцээ, шаардлага
- Циркийн сургуулийн сургалтын бодлого
Мөн “Циркийн урлагийн хөгжлийн асуудал” сэдвийн хүрээнд хэлэлцүүлэг зохион байгуулж зөвлөгөөний зөвлөмж гаргах юм.
