Холливуудын сайхан хосын тоонд яах аргагүй багтдаг байсан жүжигчин Том Круз, Кэти Холмес нарын салалт ойрын өдрүүдэд ярианы гол сэдэв болоод байна. Зарим хүмүүс Кэтиг нөхрийнхөө далбаан дор амьдрахыг бодолгүй, өөрийн карьераа нэмэгдүүлэхийг хүссэн учир салах шийдвэр гаргасан хэмээн үзэж байгаа гэнэ. Ямартаа ч жүжигчин Кэти Холмес шинэ амьдралаа эхлүүлэхээр шийджээ. Тэрбээр Бродвэй театрын «Dead Accounts» инээдмийн шинэ жүжигт тоглохоор гарын үсгээ зурсан гэнэ. Кэти өмнө нь 2008 онд тус театрын «All My Sons» жүжигт амжилттай дүр бүтээж байжээ.
Б.Ууганчимэг
