Ким Кардашиан үслэг эдлэлд тун ч дуртай нэгэн аж. Тиймээс хувцасны шүүгээнд нь үслэг эдлэл нэлээд олон байдаг гэнэ.Харин түүний энэ сонирхол амьтан хамгаалах нийгэмлэгийнхний дургүйцлийг төрүүлдэг бололтой.
Тэрээр саяхан 50,000 долларын үнэтэй матрын арьсан цүнх барьж яваад “PETA” хэмээх амьтан хамгаалах байгууллагын ажилтнуудын хараанд өртжээ. Улмаар тус байгууллагын албан хаагчид Ким Кардашианы үслэг эдлэлд олзуурхах явдлыг буруушаасан байна. “PETA” байгууллагын төлөөлөгчийн мэдээлснээр: “Амьтны арьс, үсийг эдэлж хэрэглэх нь хулгайч луйварчинтай адил” хэмээн дургүйцлээ илэрхийлжээ. Мөн амьтдыг агнах үед тэд айдас хүйдэс, өвдөлтийг мэдэрнэ. Тэд ч бас хүмүүс бидэнтэй адил үхэхийг хүсэхгүй ч шүү дээ” хэмээн тайлбарлажээ. Түүнчлэн “PETA”-гаас Ким Кардашианд эелдэг тайлбар бүхий захиа хүргүүлсэн ч одоогоор хариу аваагүй байгаа гэнэ. Харин Ким Кардашианы эгч “PETA”-ын үйл ажиллагааг дэмждэг нэгэн. Гэхдээ тэр дүүдээ өөрийн үзэл бодлыг хүчээр тулгахыг хүсэхгүй байгаа аж. Энэ тухай эгч нь блогтоо бичихдээ: “Би өөрөө ангийн үслэг эдлэл хэрэглэдэггүй. Гэсэн ч өөрийн сонирхол, үзэл бодлоо хэн нэгэнд хүчээр тулгана гэдэг амар хэрэг биш” хэмээсэн байна.
Duulian.mn Б.Отгон
