Германы супер модель Хэйди Клум өчигдөр Нью-Йоркийн их дэлгүүрээр үйлчлүүлжээ. Гэхдээ тэрбээр худалдан авалт хийсэнгүй.
39 настай супер моделийн өмссөн цоохор ирвэсийн хээтэй даашинз нь хэвлэлийнхний бичих сэдэв болоод байна. Учир нь дуучин Жанет Жексон, Женнифер Лопез нар Хэйди Клумийнхтэй төстэй даашинз өмсөж байсан аж. Тэдгээр даашинз нь ойролцоогоор 2200-3500 ам.долларын үнэтэй байжээ.
Харин герман моделийн даашинз 5000-6000 ам.долларын үнэтэй байж магадгүй гэнэ. Хэйди Клум 1995 онд Лондоны их дэлгүүрээс цоохор ирвэсийн хээтэй дотуур хувцас худалдаж авч байсан аж. Энэ нь 1200 фунт стерлингийн үнэтэй байжээ.
Хэйди Клумийн бахархмаар зан чанарын нэг нь тэрбээр өөрийнхөө хувцасны үнийг хэзээ ч хэлж байгаагүй. Энэ нь үзэсгэлэнтэй хатагтайн энгийн байдлыг илтгэнэ хэмээн загварын хэвлэлүүдэд бичиж байв.
Т.Арьяа
