Хичээлийн шинэ жилийг тохиолдуулж Хүүхэлдэйн театрт ирэх есдүгээр сарын 1-3-нд үлгэрийн наадам зохион байгуулах гэнэ. Уг наадмыг энтертайнмент хэлбэрээр хийхээр төлөвлөсөн байгаа аж. Театрын уран бүтээлчид энэ намар тайзнаа тавих жүжгүүдээ үлгэр домгоос сэдэвлэн хийж байгаа юм байна. Хүүхэлдэйн театрынхан өнгөрсөн зургаадугаар сард “Ногоон дарь эх” хүүхэлдэйн жүжгээрээ олон улсын хүүхэлдэйн XXI их наадамд амжилттай оролцоод ирсэн. Уг жүжгээ хөдөө орон нутгийн бяцхан үзэгчдэд тун удахгүй зориулан тавихаар явах гэнэ. Мөн тус театрынхан энэ жил хүүхдийн урлагийн наадам зохиохоор төлөвлөөд байгаа ба уралдаанд тэргүүлсэн хүүхдүүд олон улсын хүүхдийн их наадамд оролцох боломжтой болох аж.
Ж.Отгон
