Холливудын алдарт жүжигчин Том Круз болон түүний эхнэр Кэти Холмс нар таван жилийн турш хамт амьдарсны эцэст гэр бүлээ албан ёсоор цуцлуулжээ.
"People magazine" сэтгүүлийн цахим хуудсанд бичсэнээр, Нью-Йоркийн шүүхэд хосуудын гэр бүлийг цуцлах тухай баримт бичигт гарын үсэг зурсан байна. Тэдний гэр бүлийг цуцлах ажиллагаа маш богино хугацаанд болжээ. Кэти Холмс Холливудын кино одоос салах өргөдлөө хоёр сар орчмын өмнө өгсөн юм.
Том, Кэти нар найз нөхдийн холбоотой байх, мөн 6 настай охиноо хамтран өсгөхөөр тохиролцжээ.
Алдартнуудын талаар мэдээлдэг "ТMZ" цахим хуудсанд мэдээлж байснаар, өдгөө 50 настай Том Круз, 33 настай Кэти Холмс нар хамгийн сүүлд хоёрдугаар сард цэцэрлэгт хүрээлэнд хамтдаа зугаалж харагдсан байна.
Д.Жаргал
