Монголын рок поп хөгжмийн урлаг, тэр дундаа орчин үеийн хөгжмийн олон талт урсгалаар уран бүтээлээ туурвидаг шинэ залуу хамтлаг, дуучдыг “UP MUSIC” продакшн дэмжин, жил бүр уламжлал болгон “ХИЧЭЭЛИЙН ДАРАА…” супер шоуг хамгийн олон үзэгчтэйгээр зохион байгуулж ирсэн билээ. Уг шоу тоглолт нь жил бүрийн 9 дүгээр сарын 1 буюу хичээлийн шинэ жилийн эхний өдөр зохион байгуулагддагийг уншигчид маань санаж байгаа биз.
Зуны амралтаа зугаатай өнгөрөөсөн залуус, хичээлийн шинэ жилийнхээ нээлтийн баярыг Монголын шинэ үеийн Монголын шинэ үеийн шилдэг хамтлаг, дуучидтай тэмдэглэн өнгөрөөдөг томоохон уламжлал бүхий шоу юм. Энэ жилийн “Хичээлийн дараа” шоу тоглолтыг хүүхэд залуучуудын сонирхлыг татаж чадахуйц өвөрмөц хэлбэрээр зохиох бөгөөд оролцох хамтлаг дуучдын тоог шинэ залуу оддоор улам өргөжүүлж, тайз дэлгэцийн хослол болон хөгжим аппаратурын мэргэжлийн дуугаралт зэрэгт гол анхаарлаа хандуулан зохих бэлтгэл ажилдаа оржээ.
Одоогоор шоунд оролцох хамтлаг, дуучдын нэрс гараагүй байгаа ч энэ жилийн шоунд “UP Music” продакшны “Anemone” хамтлагийнхан голлох байр суурийг эзлэх ажээ. Тэд энэ үдэш тайзнаа цөөхөн дуунаас бүрдэх амьд тоглолтоо фенүүддээ өвөрмөц, сонин байдлаар хүргэхээр одооноос бэлтгэлдээ ороод байгаа аж.
Ингээд оюутан, сурагчдын хүсэн хүлээдэг “Хичээлийн дараа” супер шоу тоглолт болзсон газраа буюу “UB Palce”-ын “Open Air”-т, товлосон цагтаа эхлэх нь. Шоуны талаарх дэлгэрэнгүй мэдээллийг цаг тухайд нь хүргэх болно.
