Монголын сайхан бүсгүйг шалгаруулах “Miss Mongolia 2012” наадмын шилдэг 20 оролцогч тодорчээ. Энэ тэмцээнд оролцохоор 100 гаруй бүсгүй бүртгүүлснээс 20 нь сүүлийн шатанд үлджээ. Тус тэмцээн нь олон улсын жишгээр “Мисс модель”, “Мисс фото”, “Мисс авъяас”, “Мисс бикини, “Мисс гүүдвил /ухаалаг, сайн үйлс/” гэсэн зургаан төрлөөр шалгаруулалт явуулах аж. Шалгаруулалтыг МҮОНРТ-ээр долоон цуврал нэвтрүүлэг болгон хүргэх юм байна.
“Miss Mongolia” тэмцээн нь 12 дахь жилдээ болж байгаа бөгөөд “Мисс Монголиа Холбоо”, МҮОНРТ зохион байгуулж, Монголын залуучуудын холбоо дэмжин оролцож байгаа юм. Тэмцээний ялагч “Miss international” “Miss intercontinental”, “World Miss University” зэрэг дэлхийн томоохон тэмцээнд Монгол улсыг төлөөлөн оролцох эрхтэй болох юм. Өнгөрсөн жилийн ялагч И.Төгсөө “Miss international 2011” тэмцээнд гуравдугаар байрт орж байжээ.
