Англид жил бүрийн наймдугаар сарын сүүлийн бямба, ням гаригт болдог “V Festival” хэмээх хөгжмийн наадамд оролцох алдартнуудыг зарлалаа. Хөгжмийн ертөнцийн энэ том наадам нь задгай талбайд, хоёр өөр газарт нэгэн зэрэг болдог бөгөөд “Virgin Group”-ээс уламжлал болгон зохион байгуулсаар иржээ.
Энэ жилийн тухайд “V Festival” уламжлал ёсоор Челмсфорд хотын Хайландс парк болон Өмнөд Стаффордшайэрийн Уэстон паркт наймдугаар сарын 17, 18-нд болох аж. Тус наадмын оролцогчдоос онцолбол дуучин Бейонсе, мөн “Kings of Leon” хамтлагууд тэргүүн эгнээнд бичигдэж байна. Түүнчлэн зохион байгуулагчдын мэдэгдсэнээр Уэльсийн “Stereophonics”, “Little Mix”, альтернатив рок “The Script”, хамтлагуудаас гадна дуучин Эмели Санд, Шотландын дуучин Келвин Харрис, Жесси Жей, Рита Ора, Labrinth, Элли Гоулдинг нарын хөгжмийн ертөнцийн алдартнууд оролцох аж. Харин наадмын ерөнхий найруулагчаар Боб Энгус, Саймон Моран нар ажиллах юм байна.
