"Карибын тэнгисийн дээрэмчид", "Анна Каренина" зэрэг олон кинонд тоглож, од болон гялалзсан Их Британийн жүжигчин бүсгүй Кира Найтли энэ амралтын өдөр нөхөрт гарах гэж байна. Тэрээр Klaxons хамтлагийн хөгжимчин Жеймс Райтонтой хувь заяагаа холбох юм.
28 настай жүжигчин бүсгүй хуримаа нижгэр хийхийг огт хүсээгүй тул ердөө 100 хүндэт зочныг урьж, маш нууц байдалд гэрлэх гэнэ. Түүний хуримд хамаатан садан, хамгийн ойрын гэх найз нөхөд нь л уригджээ. Хурим Францын өмнөд хэсэгт орших Найтлигийн эзэмшилд болох юм байна. Ийнхүү кино ертөнцийн нэгэн авьяаслаг, үзэсгэлэнтэй бүсгүй нөхөрт гарч, гэр бүлийн амьдралын амтыг мэдрэхээр болжээ.
Кира Найтли нь Их Британийн хамгийн баян жүжигчин бүсгүйн жагсаалтын сүүлийн хэдэн жилийн турш тэргүүлж буй юм.
www.URLAG.mn
