Монголын телевизүүд гадаадын сериалуудаар цагаа нөхөж үзэгчдийн тархийг угаасаар л байгаа энэ цаг үед, дээрхи тархи угаалтыг зогсоохоор монголын киноны уран бүтээлчид нилээдгүй киног бүтээсээр байгаа билээ. Тэдгээр уран бүтээлүүдийн үргэлжлэл болж “N Entertainment”-ийн бүтээсэн “Усны гудамж” телевизийн олон ангит кино өчигдрөөс эхлэн гарч эхэллээ.
Тус кино өдөр бүр 21.00 цагаас “MN-25” телевизээр, 22.00 цагт “Royal HD” телевизээр, 23.00 цагаас “SBN” телевизээр үзэгчдэд хүрэх бөгөөд барууны олон ангит киноноос сэдэвлэсэн уг бүтээл нь таван гэр бүлийн амьдралыг харуулах аж. Уг киноны зохиолыг кино зохиолч Д.Төрмөнх бичиж, “Сэмүүн” студийн захирал Б.Баяр найруулан, ерөнхий найруулагчаар Н.Элдэв-Очир ажиллажээ. “Усны гудамж” олон ангит бүтээлд Монгол орны улс төрийн амьдрал, түүхэн хүмүүсийн намтрыг судалж, монгол ахуйгаа түлхүү харуулахын зэрэгцээ өнөөгийн нийгэмд болж буй олон асуудлыг тусгахыг зорьсон байна.
Киноны гол дүрд Төрийн соёрхолт, Гавьяат жүжигчин Ц.Төмөрбаатар, жүжигчин Д.Бямбацогт нарын уран бүтээлчид тогложээ. Эхний удаад 30 ангитай уг бүтээлийг дэлгэцнээ гаргахаар төлөвлөж байгаа ч цаашид Европын сериал шиг цуврал хийх зорилготой байгаагаа кино багийнхан онцлолж байгаа юм.
Та бүхнийг урлагийн тэнгэр ивээг…
www.URLAG.mn
