Аргагүй Чамдаа Даслаа, Миний буурал ээж, зэрэг олон гайхалтай дуунуудаараа нийтийн дууны урлагт хүч түрэн орж ирээд буй МУСТА Б.Мөнхбаяр өнөөдөр “Аргагүй Чамдаа Даслаа” хэмээх хоёр дахь хос цомгийн баяр ёслол төгөлдөр сайхан болж өнгөрлөө. Түүний хос цомгийн баярт анд найзууд болох хөгжмийн зохиолч МУСТА Б.Пүрэвсүрэн, дуучин МУСТА П.Жимсээ, дуучин А.Түмэн-Өлзий зэрэг гайхалтай уран бүтээлчид ирж баяр хүргэж байлаа.
Мөн залуу уран бүтээлчид ая дууны мэнд дэвшүүлэхийн зэрэгцээ гэр бүлийн найз нөхөд, нутгийн ах дүү нар баяр хүргэн сэтгэлийн бэлэг өгч байсан юм. Дуучин Мөнхбаярын хос цомог нь таван жилийн турш туурвисан уран бүтээлүүд нь бөгөөд нийт 10 клиптэй аж. Ирэх намар бие даасан хоёр дахь тоглолтоо хийхээр төлөвлөж байгаа бөгөөд дуучин маань уригдан ирсэн зочид эрхэм найз нөхдөдөө уран бүтээлийн дээж болох хос цомгоороо бэлэг барилаа. Ингээд МУСТА дуучин Б.Мөнхбаяртаа уран бүтээлийн өндөр амжилт хүсье.
Таныг урлагийн тэнгэр ивээг…
www.URLAG.mn
