Бид энэ удаагийн “Mobile news” буландаа МУСТА, хөгжмийн зохиолч Н.Баасандоржийг онцолж байна. Түүнийг эхнэр хүүхдээ орхин, хоёр хүүхэдтэй бүсгүйгээс салж чадахаа больсон гэх мэдээлэл чих дэлсэх болсон.
“МУСТА дуучин Н.Баасандорж, түүний гэргий Ц.Түмэнжаргал хоёр хамтдаа 10 шахам жил амьдарч, “Хайрын хорвоо” нэртэй тоглолтоо Валентины өдрөөр буюу хоёрдугаар сарын сарын 14-нд хийдэг “хуультай” болсон. Харин энэ жил төрдөө данстай албан ёсны хосууд хослон дуулаач Н.Баасандорж, Ц.Түмэнжаргал хоёр тоглолтоо хийсэнгүй. Энэ нь учиртай байж. Н.Баасандорж авааль гэргий, удам залгах ганц хүүгээсээ нүүр буруулж, хоёр хүүхэдтэй эмэгтэйгээс салж хагацахаа болиод жил гаруй болжээ” гэх мэдээллийн дагуу бид түүнээс тодруулга авсан юм.
Тэрбээр энэ мэдээлэлд тайлбар өгөхдөө: “Гэр бүлээсээ өрх тусгаарласан үнэн” хэмээн хэлсэн юм. Харин энэ талаар өөр зүйл хэлэхээс татгалзлаа. Мэдээж бидний амьдралд урьдчилж мэдэхгүй олон зүйл тохиолддог учраас уншигч та бүхэн үүнийг өөр өөрсдийнхөөрөө хүлээн авч, дүгнэх бизээ.
Б.Хорлоо
