Бид энэ удаад “Шилдэг өнгө” продакшны жүжигчин МУСТА С.Өлзийхүү, түүний охин Х.Баярмаа нарын дараах фотог онцолж байна.
Монголын урлагийн сайхан гэр бүлийн нэг бол яах аргагүй найруулагч Ц.Хүсэлбаатарынх. Түүний эхнэр МУСТА жүжигчин С.Өлзийхүү хошин урлагт өөрийн авъяас, чадвараараа эрхгүй онцгойрдог нэгэн. Харин эдгээр уран бүтээлчдийн охин нь ч мөн ээж, аавынхаа мэргэжлийг өвлөж, жүжигчин болсон билээ. Өдгөө аав, ээжтэйгээ “Шилдэг өнгө” продакшиндаа хамтдаа ажиллаж, залуу жүжигчидийн хүрээг тэлж яваа нэгэн.
Тэрбээр урлагийн хүн болоод удаагүй байгаа ч чамгүй олон дүрийг бүтээж, ээжийгээ дуурайсан сайн жүжигчин болох нь хэмээх үнэлгээ аваад байгаа юм. Үзэгчид Х.Баярмааг ээжийнхээ авъяасыг өвлөхөөс гадна ээжтэйгээ усны дусал мэт адилхан хэмээн ярилцдаг. Ингээд мэргэжил нэгт ээж, охин хоёрын хамтдаа авахуулсан дараах фотог сонирхуулж байна.
Б.Хорлоо