Монгол- Австри улсуудын хооронд дипломат харилцаа тогтоосны 50 жилийн ойд зориулсан соёлын үйл ажиллагааг 2013 оны 06-р сарын 15-27-ны өдрүүдэд өуюу өнөөдрөөс эхлэн УДБЭТ удирдан зохион байгуулж байна. Уг соёлын үйл ажиллагааг ССАЖЯ, Бээжин дэх Австрийн ЭСЯ, Австрийн Боловсрол, Соёл урлагийн яам, Австрийн урлагийн форум зэрэг газрууд дэмжин ажиллаж байгаа юм байна.
Монгол- Австри улсуудын харилцаа, хамтын ажиллагаанаас хамгийн өргөн хүрээтэй, нэр хүндтэй нь урлаг, хөгжмийн хүрээний хамтын ажиллагаа байдаг. Монголын хөгжмийн сапбарын уран бүтээлчдийн урын сангийн томоохон хэсгийг Австрийн алдарт хөгжмийн зохиолчдын бүтээл эзэлдэг билээ. Тиймээс дипломат харилцааны хүрээнд хийж буй соёлын үйл ажиллагааны хөтөлбөрт Монгол, Австрийн уран бүтээлчид хамтарсан мастер класс, залуу уран бүтээлчдэд зориулсан сургалт, нэгдсэн Гала концерт багтсан юм.
Энэхүү ажлын хүрээнд Австри улсаас удирдаач Жожи Хаттори, хормейстр, удирдаач Жералд Вөрт, дуурийн найруулагч, Венийн Хөгжмийн их сургуулийн багш Беверли Бланкеншип, босоо ятгачин, багш Тина Зердин, виоленчель хөгжимчин Ута Корфф нар хүрэлцэн ирж байна.
Удирдаач, хийлч Жожи Хаттори Гала концертыг Монголын удирдаачидтай хамтран удирдах бол Венийн эрэгтэй найрал дууны ерөнхий удирдаач Жералд Вөрт УДБЭТ, ЦДБЭЧ, ХЦДБЧ зэрэг байгууллагуудын найрал дуучидтай хамтран ажиллаж мөн Гала концертонд найрап дууны томхон бүтээлүүдийг удирдана.
Гала концерт дээр Ута Корфф, Тина Зердин, Жожи Хаттори нар хамтарсан сонирхолтой бүтээлийг Монголын үзэгчдэд толилуулах бол дуурийн найруулагч Беверли Бланкеншип УДБЭТ-ын уран бүтээлчидтэй “Дон Жуан” дуурь дээр хамтран ажиллана. Венийн консерваторийн багш, босоо ятгачин Тина Зердин УДБЭТ дээр босоо ятга сурах хүсэлтэй залуучуудад сургалт явуулах төдийгүй УДБЭТ-ын симфони оркестртой хамтран ажиллаж, 6-р сарын 22, 23-нд тоглох “Тоска” дуурь, “Хунт нуур” балетын босоо ятгын гоцлолыг тоглох болно.
6-р сарын 21-ний Гала концертонд УДБЭТ, Улсын Филармони, ҮДБЭЧуулгын гурван том оркестр хамтран Австрийн хөгжмийн зохиолчдын шилдэг бүтээлүүдээс тоглож үзэгч олондоо хүргэх болно. Гала концертонд Австри улсаас Бээжинд сууж буй, Монгол улсыг хамаарагч элчин сайд, эрхэмсэг хатагтай Ирен Гинер Рейчл хүрэлцэн ирж оролцох юм.
Та бүхнийг урлагийн тэнгэр ивээг…
www.URLAG.mn
