Италийн Имола хот дахь Төгөлдөр хуурчдын академид суралцаж буй төгөлдөр хуурч С.Одгэрэл ирэх сарын 1-нд ХБК-ийн танхимд “Solo recital” тоглолтоо тавих гэж байна. Пиано соло рекитал гэдэг нь гоцлол төгөлдөр хуурч тоглолтын эхнэл, өрнөл, төгсгөлийг дангаар гоцлон, тоглох бүтээлүүдийн хоорондын уялдааг гаргадгаараа маш их ур чадвар, бэлтгэл шаарддаг. Анх Унгарын хөгжмийн зохиолч Франц Лист тоглолтын ийм ур маягийг санаачлан боловсруулсан аж.
Тоглолтын эхний хэсэг барокко үеийг илтгэх Бахын хоёрдугаар “Партита” болон классицизмын төлөөлөгч Моцартын соната К.570-р үргэлжлэх бөгөөд 17,18р зууны дэг жаягтай хөгжмийн онцлог тэр дундаа дундад зууны үеийн эртний бүжгийн хөгжмүүд дээрх зуунуудад хэрхэн мэргэжлийн хөгжимд тусгалаа олсныг харуулах юм. Тэгвэл дэд хэсэг импрэссионист хөгжмийн төлөөлөгч Дебюссийн Сюйт Бэргамаскаар үргэлжлэх гэнэ. Импрэссионизм урсгалын өнгө будаг, чөлөөт байдал болон хэмнэлийн онцлогуудыг эндээс сонсож болно. Тоглолт романтизмын дууч Фридрих Шопены бадрангуй “Полонез”-оор тоглолт өндөрлөнө.
www.URLAG.mn
