Хүний хөгжил, мэргэжлийн жүжигчдийг бэлдэх сургалт зохион байгуулах “Andra Model Management” агентлагийг байгуулаад байгаа “Мисс Монголиа 2009” наадмын тэргүүн мисс Х.Бадамгэрэл ирээдүйд олон хүүхэдтэй болохыг хүсдэгээ нууж хаалгүй ярьж байсан удаатай. Хүүхэд төрүүлснийхээ дараа эсвэл одоогийн байдалдаа сэтгэл хангалуун бус байдаг бүсгүйчүүдэд цогцоор нь туслах зорилготой энэхүү агентлагийг үүсгэн байгуулагч үзэсгэлэнт бүсгүй маань төлөвлөсөнийхөө дагуу ээж болохоор шийджээ. Бадамгэрэл өдгөө таван сартай жирэмсэн бөгөөд аз жаргалыг дахин огт өөрөөр мэдэрч байгаа гэнэ.
Түүний нөхрийг дуучин Бekү гэдгийг уншигчид мэдэх биз ээ. Тэрбээр Оюутолгой компанийн олон нийттэй харилцах албанд ажиллаж байгаад саяхан Францын “Аreva”компанид ажиллах болжээ. Дашрамд сонирхуулахад тэдний ээжүүд хоёулаа багш хүмүүс гэнэ лээ. Анхны үрээ тэсэн ядан хүлээж буй хосууддаа аз жаргал хүсье.
www.URLAG.mn
