Энэ жилийн үндэсний баяр наадмын урлагийн тоглолт, нээлт, хаалтын ёслолын найруулагчаар ажиллаж байгаа Төрийн соёрхолт Д.Сосорбарамыг Р.Чойномын нэрэмжит ганц хүн театр байгуулж байсныг уншигчид мэдэх биз ээ.
Р.Чойном найрагчийн бүтээлийг орчин цагийн уншигчдад таниулж, ухааруулахад чухал үүрэг гүйцэтгэж буй Со гавьяат Р.Чойном агсны шүлгээр цомог гаргахаас гадна өөрийн шүлгээр дагнасан цомгийн ажилдаа оржээ.
Сүүлийн жилүүдэд язгуур урлагийг дэмжихэд авьяас билгээ чилээх болсон тэрээр “Хөсөгтөн”, “Домог”, “Жонон” хамтлагтай хамтарч ардын дуу, домгоос сэдэвлэсэн бүтээл хийхээр төлөвлөсөн талаараа хэвлэлд ярьсан байна. Түүгээр зогсохгүй ирэх намар Чикаго хотноо “Үлэмжийн чанар” тоглолтоо толилуулах бол наймдугаар сарын сүүлээр ЮНЕСКО-гоос зохион байгуулах найруулагч, ансамбель, хөгжмийн бүтээлийн дэлхийн аварга шалгаруулах тэмцээнд найруулагчийн номинацид өрсөлдөх болсон нууцаа ч задалжээ
www.URLAG.mn
