Жил бүр амьд хөгжим сонирхогчдыг хүлээлгэдэг HI FI рекордсоос зохион байгуулдаг "PLAYTIME 2013" уламжлал ёсоороо амралтын өдрүүдэд Монгол Шилтгээнд болох гэж байна.
Анхны PLAYTIME наадамд монголын рок, амьд хөгжмийн хамтлагуудыг олон нийт, залуучуудад танилцуулах зорилготой 2002 онд зохион байгуулагдаж таван хамтлаг оролцож байжээ. Үүнээс хойш жил бүр өргөжин тэлсээр оролцох хамтлагуудын тоо ч нэмэгдсээр байгаа билээ. Тус наадамд Монгол, АНУ, Япон, Их Британи, ОХУ, Өвөрмонгол зэрэг улс орнуудаас давхардсан тоогоор 400 гаруй хамтлаг, дуучид оролцож байжээ.
Харин 2008 оноос эхлэн задгай талбайд хоёр өдрийн турш амьд хөгжмөөр амьсгалах боломжийг олгож эхлээд байгаа. Энэ жилийн наадамд нийт 50 гаруй хамтлаг оролцох бөгөөд ОХУ-ын STORM, Японы алдарт МОНО хамтлагууд урилгаар ирж байгаа юм. Түүнчлэн залуус дуртай хамтлагийн дуугаа сонгон сонсох боломжийг олгож, жижиг том хоёр тайзтай байх гэнэ. Наадмын жижиг тайзан дээр шинэ, залуу 14 хамтлаг дуулах бол том тайзан дээр та бидний танил болсон 26 хамтлаг дуулах юм. Энэ жилийн наадамд ихэвчлэн hard rock, post rock, альтарнатив чиглэлээр уран бүтээл хийдэг хамтлагууд оролцож байна. Түүнчлэн анх удаа DJ Zoloo, Deez, Roxy зэрэг DJ нарын хөгжмийн сетүүдэд BEACH PARTY хэсэгт эгшиглэнэ.
Наадмын үеэр Монгол Шилтгээнд орчин үеийн урлагийн үзэсгэлэн гарч "399" G Mobile-ын интернэт WI FI, Хаан банкны явуулан АТМ, мэдээлийн цэг ажиллах аж. Арван хоёр дахь жилдээ болж буй "PLAYTIME 2013" наадмын хоёр өдрийн тасалбар 35 мянга, зөвхөн хоёр дахь өдрийн тасалбар нь 20 мянган төгрөгийн үнэтэй худалдаалагдаж байна.
www.URLAG.mn
