Данзаншаравын Жамьянжав

Монгол улсын Ардын жүжигчин

Данзаншаравын Жамьянжав

МУГЖ 1981 он, АЖ 2008 он

Дуурийн жүжигчин, дуучин (1937-05-20) Сэлэнгэ аймгийн Ерөө сумын нутаг Цагаан толгой гэдэг газар төрсөн. 1951-1954 онд УДС-д суралцаж төгссөн бөгөөд мөн ондоо УХДТ-т найрал дуучнаар ажиллах болсон юм. Тэрээр 1957-1962 онд Болгар хотын ХДС-ийг дуурийн дуулаачийн мэргэжлээр сурапцаж төгссөн байна. Д.Жамьянжав нь Пхеньян хотноо зохиогддог дэлхийн залуучуудын урлагийн хаврын наадамд оролцон эх орныхоо нэрийг олон улсын тайзан дээр цуурайтуулж байсан манай улсын алдарт дуучдын нэг юм. Тэрээр Софи хотын ХДС-ийг төгссөнөөс хойш УДБЭТ-т 40 гаруй жил тасралтгүй, үр бүтээлтэй ажилласан юм. Д.Жамьянжав нь дуучнаар ажиллахын зэрэгцээ дуулаачийн боловсон хүчнийг бэлтгэхэд онцгой хувь нэмэр оруулсан гавьяатан бөгөөд СУИС-ийн дуулаачийн тэнхимд мэргэжлийн багшаар ажиллаж байна. Тзрбээр 2004 онд "Дуулах ур зүйн судалгааны арга зүй" сэдэвт магистрын судалгааны хичээлийн хөтөлбөр боловсруулжээ. Нэрт дуучин П.Ганбат бол түүний гарын шавь. Түүний дуулсан 300 гаруй дууны фонд Монголын радиогийн алтан санд хадгалагдаж байна. 1969 онд Ш.Гуно “Фауст”  дуурийн Мефистофелийн дүрээр, 1979 онд Ж.Россини “Севилийн үсчин” дуурийн Дон Базилогийн дүрээр Соёлын яам, МҮАХ-ны оны шилдэг бүтээлийн шагналыг тус тус хүртжээ. 
1981 онд УГЖ цол хүртсэн.  Дэд профессор.

Жүжигчнээр: Б.Дамдинсүрэн “Жаргалын зам” (1951. Өртөөчний дүрд), С.Гончигсумлаа “Үнэн” (1956. Хошуу ноёны дүрд), Л.Мөрдорж “Хөхөө  Хувилгааны дүрд), П.И.Чайковский “Евгений Онегин” (1963. Суман даргын дүрд), А.Даргомыжский “Лусын дагина” (1964. Тээрэмчний дүрд), Б.Дамдинсүрэн “Тэмцэл” (1965. Барон Унгерны дүрд), В.Мурадели “Октябрь” (1967. Керенскийн дүрд),Ж.Пуччини “Чио чио сан” (1967.  Ах лам Бонзагийн дүрд), Ш.Гуно “Фауст” (1969. Мефистофелийн дүрд), Б.Дамдинсүрэн “Амарсанаа” (1970.  Амарсанаагийн дүрд), Д.Лувсаншарав “Шивээ Хиагт” (1971 ), А.Бородин “Игорь ван” (1972.  Скулагийн дүрд), Б.Сметан “Худалдагдсан бэр” (1974. Михагийн дүрд), Б.Дамдинсүрэн “Мартагдашгүй дөчин хоёр хоног” (1974. Саруул гүний дүрд), Б.Дамдинсүрэн “Учиртай гурван толгой”  (1976.  Балган ба худалдаачны дүрд), Дж.верди “Травиата” (1977. Дуфелийн дүрд), Л.Мөрдорж “Жаргал” (1978.), Ж.Россини “Севилийн үсчин” (1979.  Дон Базилиогийн дүрд), С.Гончигсумлаа “Үнэн” (1980. Гонгорын дүрд), Ж.Пуччини “Тоска” (1981. Скарпиа-гийн дүрд). Намжил” (1960.