Дэлхийн хамгийн халуухан эмэгтэй DJ Da Candy Монголд ирээд байгаа билээ. Тэрээр “Мишээл” экспо төвд болсон “Exotic Fashion” шоунд оролцон өөрийн сэтийг сонирхуулан залуусыг доргиосон юм.
Харин өнөөдөр 19 дүгээр хорооллын үйлчилгээний төвийн дэргэд байрлах “Centro club”-т хаалтын шоугаа хийн зөвхөн өөрийн сэтээр залуусыг дахин доргиохоор түүнийг Монголд “Galaxy Events”-ынхан урьж ирүүлсэн юм.
Өчигдөр “Galaxy Events”-ээс зохион байгуулсан “Exotic Fashion” шоуны өмнө DJ Da Candy-тай цөөн хором ярилцлаа.
-Монголд ирж тоглооч ээ гэсэн урилгыг анх хэнээс авсан бэ? Ямар санагдаж байв?
-“Galaxy Events”-ын Баагий надад анх энэ саналыг тавьсан. Намайг Монголд өөрийн сэтээ “Мишээл” экспод тоглооч ээ, гурав хоног болох санал тавихад өмнө нь Монголд ирж байгаагүй учраас өөрийн эрхгүй сонирхолыг минь татсан. Монгол ер нь ямар юм бол оо гээд л. Би өмнө нь Африк, Европын болон Азийн олон оронд очиж тоглож байсан. Тиймээс Монгол бол миний сонирхолыг маш их татсан. Энд ирж, Монголын эрч хүчийг мэдэрч байгаадаа сэтгэл маш хангалуун байна.
-Монголын тухай гадныханд ойлголт муу байдаг л даа. Чингис хаан тухай илүүтэй мэдэх байх. Өөрөө ирэхээсээ өмнө Монголын хэрхэн төсөөлж байв?
-Тийм шүү. Монголын талаар сургуульд байхдаа л Чингис хаан хэмээн сонсож байсан. Бага сага мэдээлэл байсан ч Улаанбаатарт ирээд сэтгэл өндөр байна. Хамгийн түрүүнд төрсөн сэтгэгдэл бол онгон байгалиараа байгаа нь таалагдсан. Би мөн Чингис хааны хөшөөн дээр очсон шүү.
-Өмнө нь Азийн ямар орнуудад айлчлан тоглож байсан бэ?
-Би БНХАУ, Филиппин, Хонг-Конг, Сингапур, Куала Лампур, Малайз гээд олон оронд очсон. Аялсан орнуудаа жагсаавал нэлээд олон хуудас болох байх.
-Ази, Европын хүмүүс хөгжмийг хүлэж авахдаа өөр өөр байдаг шүү дээ. Таны хувьд энэ мэдрэмж юугаараа өөр санагддаг вэ?
-Мэдээж өөр шүү. Би өмнө Азид тоглолтоо хийж байхдаа тэднийг илүү хурц, хүнд электро хөгжим сонирхдог юм болов уу гэж бодсон. Харин Европ хүмүүс бол ихэвчлэн хагас электро, хип хоп хөгжимд илүү дуртай байдаг.
Монголчуудад ямар сэтээ хүргэхээр зэхээд байна?
-Би хүн бүр бүжиглэх дуртай учраас электро сэтээ бэлдсэн. Мөн поп электро, хаус электро сэтээ хүргэнэ дээ.
Үргэлжлэлийг энд дарж уншина уу.
