Ой модоор нүцгэн зугаалж, хувцасгүй шахам шоудаж явсан хэмээн олны ахаарлыг үргэлж татаж явдаг дуучин Леди Гага "V" сэтгүүлд ярилцлага өгч, зургаа авахуулахдаа нүцгэлжээ. Тус сэтгүүлийн нүүрэн дээрх зураг дээр Леди Гага Saint Laurent-ийн улаан өнгийн гоёмсог жакетийг нүцгэн биен дээр шууд өмссөн байдлаар зургаа авахуулсан байна.
Энэхүү зургаа тэр 19 настай үеийнхтэйгээ зүйрлүүлэн авахуулсан аж. "Би 19-21 насандаа яг л ингэж харагддаг байсан. Миний хувьд хүнд үе байлаа. 18 настайд минь зовлон шаналал тохиолдоход би яг л ийм үстэй байсан" хэмээн Леди Гага ярьжээ.
"Гэхдээ би багынхаа хүмүүжлийн ачаар ямар ч хүнд үеийг даваад гарах сэтгэлийн тэнхээтэй болсон байлаа. Төгөлдөр хуур тоглож, урлагийн сургуульд суралцаж, бүжиг хийгээд сурчихсан 18-тай охинтой гэнэт л бэрхшээл тулгарч эхэлсэн юм. Тэр үед тэрхүү үйл явдлуудыг хэрхэн давж гарахаа ч мэдэхгүй, нэг хэсэг тэндээ хавчуулагдсан гэж хэлж болно. Тэр жилүүдэд намайг юуг даваад гарсныг хэн ч төсөөлөхгүй. Эцсийн эцэст намайг урлаг л аварсан юм" хэмээн Леди Гага үргэлжлүүлжээ.
Түүний энэхүү ярилцлага, зурагтай сэтгүүл ирэх есдүгээр сард худалдаанд гарах юм байна.
